أمايا يا امه
شدى الضفاير شدى رباطها
عصبينى لو قادرة يا امه تقيديها !!
قيديها وقيدينى
شعورى موجة عمالة تلعب
عمالة ترقص فوق جبينى
شعورى شوق وبشوقى حايرة
مأنا عارفة ماشية؟؟
ما أنا عارفة طايرة؟؟
وكلام فى سرك وبقولها مُرة !!
عذاب بحسه ,,
عذاب وثورة,,
أمايا يا امه!!
جوايا ليه ؟؟
جوايا إيه ؟؟
جوايا حيرة
جوايا ضلمة
جوايا طير قلقان فى عشهُ
لا أنا قادرة أشيلة
ولا قادرة أهشهُ
وكلام فى سرك وبقولها مُرة
عذاب بحسه
عذاب وثورة
أمايا يا امه
